Encoro de Velle e Oira (1965)

Entre colección de imaxes e postais que gardo do Ourense pasado veño a mostrar esta postal de 1965 na que podemos ver como os ourensans mitigaban as calores do verán no Miño a altura de Oira mentres ao fondo pódese ver como están a levantar o encoro de Velle. Persoalmente xa coñecín desde sempre o encoro. En 1936, Cuevillas, Xocas e Vicente Hermida, nun fermoso libro sobre Velle reeditado fai pouco, describen como os veciños pescaban nesta parte do río salmóns e lamprea, algo xa imposible hoxe.